INCWADANA
YAMAGAMA EZELIZWE
IBhunga loMzantsi Afrika laMgama ezeLizwe
Ibhunga loMzantsi Afrika lamaGama ezeLizwe
Isebe lezobuGcisa, iNkcubeko, iNzululwazi nobuChwepheshe
INombolo yomNxeba: 337-8155
Ifeksi: 324 -2119
Isiqulatho
Iphepha
Yintoni amagama ezelizwe?
Yintoni iBhunga loMzantsi Afrika lamaGama ezeLizwe (SAGNC)?
Lenza ntoni iBhunga loMzantsi Afrika lamaGama ezeLizwe?
Ngawaphi amagama elijongene nawo iBhunga loMzantsi Afrika lamaGama ezeLizwe?
Ngawaphi amagama angaphandle kolawulo lweBhunga loMzantsi Afrika lamaGama ezeLizwe?
IiKomiti zamaPhondo zamaGama ezeLizwe oMzantsi Afrika
Kutheni amagama ezelizwe kufuneka ebekwe emgangathweni
Indlela abekwa ngayo amagama emgangathweni
Imithetho-siseko yamagama ezelizwe eMzantsi Afrika
Ukwamkelwa kwamagama ebengamkelwanga ngaphambili
Ingaba amagama akhoyo angatshintshwa?
Ngubani ongafaka isicelo sokwamkelwa kwegama?
Ukubeka emgangathweni kwenziwa kanjani
Indlela yokwenza isicelo sokuvunywa kwamagama ezelizwe
Uncedo malunga nokwenza isicelo
Ubungakanani bexesha ukususela kwithuba lokwenza isicelo kuye ekuvunyweni kwaso
Umfuziselo wefomu yokwenza isicelo
Yintoni amagama ezelizwe?
Ngamagama eemilo zelizwe zendalo, okanye ezenziweyo okanye ezamkelwe ngabantu, kwaye zinokuba nabantu okanye zingabinabo abantu.
Yintoni iBhunga loMzantsi Afrika lamaGama ezeLizwe?
IBhunga loMzantsi Afrika lamaGama ezeLizwe lilungiselelwe i-ofisi yolawulo liSebe lezoBugcisa, iNkcubeko,iNzululwazi nobuChwepheshe.
Lenza ntoni iBhunga loMzantsi Afrika lamaGama ezeLizwe?
Liseka iinkqubo kunye nemithetho-siseko ekunikweni amagama kweemilo zeLizwe eMzantsi Afrika
Libeka emgangathweni amagama ezeLizwe phanstsi kolawulo lwalo. Ukwenza oku limisela igama emalifakwe kwimilo yeLizwe nganye, kunye nohlobo olubhaliweyo lwegama elo.
Lenza izincomo ngamagama abekwe emgangathweni kuMphathiswa ukuba amkelwe.
Lifumana kwaye libhale amagama ezeLizwe amkelweyo kwaye lenze ukuba aziwe ngopapasho kunye ne-Internet.
Liqhagamshelana neZizwe eziManyeneyo (UN), Ikhomishoni yoqoqosho yeZizwe eziManyeneyo ye-Afrika, oogunyaziwe bamagama ezelizwe zezizwe ezingamalungu eZizwe eziManyeneyo kunye namanye amagosa elizwe jikelele ajongene nokubekwa emgangathweni kwamagama ezelizwe.
Ngawaphi amagama elijongene nawo iBhunga loMzantsi Afrika lamaGama ezeLizwe?
Amagama ezeLizwe akhathaza uzwelonke aquka, kodwa engamiselwanga kula iidolophu, amahlumela edolophu kwanayo nayiphi indawo ehlala abantu, iiposi, izikhululo, oohola bendlela, namadami karhulumente;
iimilo zendalo, umzekelo iintaba, iinduli, imilambo, imifula, iibheyi, iimpondo zomhlaba ezingena elwandle neencam, iziqithi, imisinga, 'iipoort' nee"neks".
Ngawaphi amagama angaphandle kolawulo lweBhunga loMzantsi Afrika lamaGama ezeLizwe?
Amagama omthetho, njengegama lelizwe, amagama amaphondo;
Kunye namagama oogunyaziwe bengingqi izakhiwo neefama ezinabanini babucala.
Amagama eeNdawo (amagama emimandla yezeLizwe asetyenziselwa ubhaliso lobumnini bomhlaba)
IiKomiti zamaPhondo zamaGama ezeLizwe
IiKomiti zamaPhondo zamaGama ezeLizwe zisekwe ngokwemiqathango yecandelo lesi-2 (a) lomThetho weBhunga lamaGama ezeLizwe oMzantsi Afrika ka1998. Asekwe lisebe lephondo eziyimfanelo yalo ezobugcisa kunye nenkcubeko emva kokucebisana neBhunga lamaGama ezeLizwe loMzantsi Afrika.
Imisebenzi yeKomiti yamaPhondo yamaGama ezeLizwe (PGNC)
Imfanelo ye-PGNC kukucebisa oogunyaziwe beengingqi kunye nokusebenza nabo ekuqinisekiseni ukuba bayayisebenzisa imithetho-siseko ye-SAGNC kumagama aphantsi kolawulo lwabo.
I-PGNC yenza izincomo kwi-SAGNC ngamagama eemilo zeLizwe awela kwimida yephondo elo. Kufuneka ukuba yenze umsebenzi wolungiselelo wokungenisa amagama kwi-SAGNC, kwaye yimfanelo yayo ukubona ukuba uluntu lwasekuhlaleni kunye nabanye abathelelani kudityanwe nabo ngokwaneleyo.
Kutheni amagama ezelizwe kufuneka ebekwe emgangathweni?
Kuyenzeka ukuba abantu bathiye iindawo ezahlukeneyo ngegama elifanayo.
Amagama asenokuvakala ngokufanayo okanye upelo lwegama lendawo enye lungasondela kwelelinye igama lendawo.
Amagama asenokupelwa ngeendlela ezahlukeneyo.
Kwilizwe elifana noMzantsi Afrika elineelwimi ezininzi, iindawo maxa wambi zinokuba nangaphezulu kwegama elinye.
Ezi meko ziye zikhokelele kukungaqondani kakuhle kunye nophazamiseko. Ukwenzela ukukuphepha oku, amagama ezelizwe abekwa emgangathweni ngoogunyaziwe kwilizwe lonke.
Kubalulekile ukubekwa kwamagama emgangathweni ngenjongo yokuqinisela imbali yelizwe nokuzazisa ngokobuzwe, ngorhwebo noshishino, uthutho, uqhagamshelwano, ucwangciso lommandla nelokusijikelezileyo, inzululwazi nobuchwepheshe, ukhenketho,ulawulo lwentlekele nemisebenzi yokukhangela nokusindisa njalo njalo.
Kuzwelonke nakwilizwe jikelele abo balungisa iimaphu neegazethi zamagama ezelizwe baxhomekeke koorhulumente bamazwe ukuba babanike amagama abekwe emgangathweni.
Iinkqubo zokubeka amagama emgangathweni
Ukubekwa kwamagama emgangathweni kusekelwe:
Kwimithetho yeli xesha yokubhala (ukupela) yeelwimi apho amagama athathwe khona.
Kwiminqweno yenani labantu basekuhlaleni, ngaphandle kokuba abaphixani nemithetho-siseko ye-SAGNC.
Ukusetyenziswa kwegama ngokwembali.
Ulungiso, apho igama litshintshiweyo khona kusekelwe kwiingcamango zembali.
Izisombululo zeZizwe eziManyeneyo ekubekweni emgangathweni kwamagama ezelizwe.
Naziphi na ezinye izinto ezibalulekileyo i-SAGNC enokuzichonga.
AmaLungelo oluNtu kunye noMgaqo-siseko woMzantsi Afrika
Ukumisela igama kwindawo kufuna iingcamango zembali kunye nezolwimi, uncedo oluthengelanayo, umoya woluntu kunye nomoya wesizwe.
Imithetho-siseko yamagama ezelizwe eMzantsi Afrika
Kusebenza imithetho-siseko efanayo kuwo onke amagama ezelizwe. IiKomiti zaMaphondo zamaGama ezeLizwe kufuneka ziqinisekise ukuba oogunyaziwe bengingqi bayayazi le mithetho-siseko ukuze isebenze kumagama ezitalato kunye nezinye iimilo eziwela phantsi kolawulo loogunyaziwe beengingqi..
Amagama ezelizwe ekufuneka aphetshwe
Amagama avunyiweyo eendawo kwenye indawo eMzantsi Afrika;
amagama eendawo kwamanye amazwe namagama amazwe;
amagama apelo lawo okanye ukubizwa kwawo kusondeleyo kwelegama elikhoyo,into leyo engathanda ukubhidisa;
amagama anyelisayo, angachubekanga, athukayo,okanye aphoxisayo; amabi okanye enza iintloni amagama anocalulo okanye aphantsi ngokubhekiselele kuhlanga, ibala, udidi, isini, ukuzimanya ngokwepolitiki okanye neminye imibandela ngokwentlalo;
amagama amade okanye adityaniswe kakubi;
amagama angathathwa njengesibhengezo semveliso ethile, senkonzo okanye somzi-mveliso.
Ukuthiya iindawo ngabantu
Amagama abantu abaphilayo kufuneka aphetshwe.
Iindawo zezelizwe ezithiywe ngabantu kufuneka zihambelane nezinga labantu abo (umzekelo, ukuthiya into engacacanga ngegama lomntu obalulekileyo kuzwelonke).
Imvume ebhaliweyo , apho kunokwenzeka , kufuneka ifunyanwe emntwini okanye kusapho lomntu okanye kwiindlalifa phambi kokuba igama lomntu lisetyenziswe.
Ukuvunywa kwamagama ebengavunywanga ngaphambili
Amagama asele ezinzile kwaye asele esetyenziswa kakhulu angangeniswa kwi-SAGNC. Angangeniswa nawo amagama avunywe liqumrhu elizimeleyo okanye urhulumente welizwe elizimeleyo okanye ummandla ozimeleyo ngoku ongene kuMzantsi Afrika.
Ingaba amagama akhoyo angatshintshwa?
Amagama ezelizwe ayinxenye yelifa lethu lembali, inkcubeko kunye nolwimi lwesizwe, ekunqwenelekayo kukuba agcinwe kunokuwatshabalalisa.
Enye yeenjongo ze-SAGNC kukwenza lula inkqubo yenguqu yamagama ezelizwe.
Isicelo segama eselikhona ukuba litshintshwe singenziwa ukuba umenzi wesicelo ukholelwa ekubeni igama elo alihlangabezani nemithetho-siseko yeBhunga loMzantsi Afrika lamaGama ezeLizwe. Isicelo kufuneka senziwe kwifom enye naleyo isetyenziselwa amagama amatsha, kwaye kufuneka ikhatshwe zizizathu ezivakalayo, apho kunokwenzeka, amaxwebhu axhasayo.
Eminye yemiba esemthethweni yokutshintshwa kwamagama
Igama linokwaliwa ukuba lingene endaweni yegama elikhoyo abantu abathile abanokulibona ligciniwe.
Okunye ukonakaliswa ngokweelwimi kwamagama kunokuthuka
Igama linokuthuka ngenxa yonxulumano lwalo, nokuba ekuqaleni lalinikwe ngokunyanisekileyo.
Utshintsho ngenxa yokubeka emgangathweni
Kunokuba yimfuneko ukwenza utshintsho lolu hlobo
Xa igama elikhoyo linikwa isikhundla esisemthethweni, uhlobo lwalo kufanele ukuba lubekwe emgangathweni (umzekelo ukupelwa kwalo kumele ukuba kwenziwe kutsha).
Isigqibo kufanele ukuba sithatyathwe ngesikhundla esinxulumeneyo samanye amagama
Apho upelo olwahlukeneyo lwegama elinye lusetyenziswayo kwiindawo ezahlukeneyo (ezifana nehlomela ledolophu kunye neposi, okanye umlambo kunye nedolophu), uhlobo kufanele ukuba lubekwe emgangathweni.
Uhlobo olusetyenziselwa indawo ethile kufanele ukuba lube sisigxina.
Inani leendawo igama elithile elisebenzayo kuzo malibe nomda.
Izinto emazithathelwe ingqalelo xa kuphengululwa amagama
Oovimba, okwamasiko okuthethwa ngomlomo kunye nezinye izibonelelo kufanele ukuba kudityanwe nazo.
Xa ingqalelo inikwa yokuba ingaba igama lokuqala maligcinwe, into inye emayithathelwe ingqalelo kukuba ulwimi lokuqala apho igama lithathwe khona lalahleka, apho ke kuye kufuneke ukuba uncedo lwentlalo yale mihla lubaluleke kakhulu.
Kunokuba nzima ukuqondisisa uhlobo olululo lwegama lakuqala ngenxa yokuba uhlobo lolwimi lwemveli lwalo (umzekelo iilwimi zama-khoi nama-san) alwaziwa.
Imithetho ethile ngaphandle komThetho we-SAGNC ulawula uhlobo oluthile lwamagama ezelizwe (njengegama lelizwe, amagama amaphondo kunye noogunyaziwe beengingqi kunye namagama eendawo).
Ngubani onokwenza isicelo sokuvunywa kwegama?
Onke amasebe karhulumente, oorhulumente bamaphondo, oogunyaziwe bengingqi, iPosi yoMzantsi Afrika, abaphuhlisi bezakhiwo kwanalo naliphi elinye iqela okanye umntu unokufaka isicelo.
Kwenziwa njani ukubeka emgangathweni kwamagama
I-SAGNC ifumana zonke izicelo zokwamkelwa kwamagama ezelizwe aphantsi kolawulo lwayo kwaye iqinisekise ukuba ukucebisana okufanelekileyo kwenzekile kunye nokuba igama liyahlangabezana neemfuno zeBhunga nxa zonke.
Lakube igama livunyiwe nguMphathiswa, elo gama libekwe emgangathweni. Liye ke ngoko lipapashwe kwiPhepha lasebuRhulumenteni.
Indlela yokwenza isicelo sokuvunywa kwamagama ezelizwe
Iifomu zokwenza isicelo zifumaneka kwiBhunga loMzantsi Afrika lamaGama ezeLizwe okanye kwiKomiti yePhondo yamaGama ezeLizwe.
Abenzi bezicelo kufuneka bakunanze ukunika yonke inkcazelo efunwayo kwifomu yokwenza isicelo.
Oku kulandelayo kubalulekile:
Izidibanisi kwisibanzi neside(ngokwaloo ndlela). Le nkcazelo ibalulekile kwaye kufuneka ibe yechanekileyo. Izidibanisi X noY azamkelekanga.
Imaphu yendawo kufuneka yenziwe kwiphepha eliyi-A4.
Ulwimi lwegama. Ukuba igama lineendawo ezahlukeneyo kulwimi olungaphezu kwesinye, umzekelo, isiZulu nesiNgesi, xela zombini.
Amagama makabhalwe ngoonobumba abakhulu nabancinci, ingabi ngoonobumba abakhulu bodwa, makuboniswe apho mabasetyenziswe khona oonobumba abakhulu, umzekelo, eMbali okanye Gabosela.
Imvelaphi nentsingiselo yegama. Imiba yezembali engegama, ukubhekisa kwimilo yezelizwe okanye ukuthiya ngokubonisa intlonipho emntwini, kufuneka loo nto icaciswe kangangoko. Ulwazi lwezemveli olufunyenwe kwabanolwazi lungacatshulwa, namaxwebhu aphuma koovimba bolondolozo-mbali angancanyatheliswa.
Isicelo ngasinye kufuneka sinike iinkcukacha zomazisi oyintloko elize naye igama.
Igama lesibini kufuneka nalo linikwe. Uyakhawuleza umsebenzi ukuba iBhunga loMzantsi Afrika lamaGama ezeLizwe linikwe igama lesibini ukuba elokuqala alamkeleki ngenxa yezizathu (mhlawumbi kuphindwe igama ebesele livunyiwe).
Nceda sebenzisa ifom yokwenza isicelo emiselweyo. (Musa ukuchwetheza kwakhona).
Amaxwebhu axhasayo anika ulwazi ngegama amkelekile
Ukuba uthumela ifeksi okanye imbalelwano ye-elektroni, nceda landelisa ngokuthumela amaxwebhu asayiniweyo emveli ngeposi.
Ukuncediswa ngokwenza isicelo
I-SAGNC ingathanda ukuba amalungu oluntu lwasekuhlaleni abandakanyeke ekunikweni kwamagama. Apho uwonke-wonke angenako ukugcwalisa iifom zokufaka isicelo, banokufaka isicelo bedlula koogunyaziwe bengingqi sisiya kwiKomiti yamaGama ezeLizwe ePhondo ukuze bancediswe. I-PGNC inokuthi nayo icele ukuncediswa yi-SAGNC, enokuwudlulisela umcimbi kubaphandi abaziingcali.
Ubungakanani bexesha ukususela kwithuba lokwenza isicelo kuye ekuvunyweni kwaso
Ibhunga lidibana amatyeli amathathu ngonyaka. Njengoko ukulibazisa kubangelwa yinkcazelo engaphelelanga okanye engeyiyo ekwifom, abenzi besicelo kufuneka baqonde ukuba ukubekwa kwegama emgangathweni kungayinkqubo ende. Amalungiselelo ethuba lokulinda, ebuncinaneni iinyanga ezintathu, kufuneka enziwe kwinkqubo yocwangciso. Kufuneka ifomu yokwenza isicelo izaliswe ngocoselelo njengoko kufuneka ukunqanda ukulinda ixesha elide kakhulu.
Umfuziselo wefomu yokwenza isicelo
IBHUNGA LOMZANTSI AFRIKA LAMAGAMA EZELIZWE
ISICELO SEGAMA ELITSHA ELICETYWAYO LEZELIZWE KUNYE/OKANYE SOKUTSHINTSHWA KWEGAMA
LEZELIZWE ESELE LIKHONA
IGama elivunywe nguMphathiswa:
uMhla:
QAPHELA: Sebenzisa ifom enye kwimilo nganye ecetywayo ukuba inikwe igama.
IGama elicetywayo
Elikhethwa endaweni yokuqala
Elikhethwa endaweni yesibini i Yintoni intsingiselo yegama kwaye lithathwe koluphi ulwimi?
ii Nika imvelaphi yegama ukuba ngaba uyayazi. umzekelo. e-Gauteng - indawo yegolide
Licetyelwa eyiphi imilo igama? (umzekelo. iposi, isikhululo sikaloliwe, idolophu, ilokishi, ihlumela ledolophu, intaba, itheku, unxweme, idama, umwonyo, induli, isiqithi, i-kloof, ichibi, indawo emxinwa, isidibi, inyiba, ithafa, uqolo, umlambo, umjelo, intlambo, i-vlei, indawo yokuhlala, idolophana)
Ingaba imi kwesiphi isiThili sikaMantyi okanye iPhondo indawo leyo?
i Ingaba ikude kangakanani okanye imi ikweliphi icala imilo kwidolophu ekufutshane/kwi-ofisi kamantyi umzekelo ziikhilomitha ezili-15 kumntla ntshona we...?
Ububanzi :
ubude:
Igama elikhethwa kwindawo yokuqala
Igama elikhethwa kwindawo yesibini
Ingaba igama elicetywayo kudala likhona (iminyaka engama-50 0kanye ngaphezulu), ngokuthelekisa litsha (iminyaka eli-10 - 50 ), okanye litsha (iminyaka emi-5 okanye ngaphantsi)?
Kwisehlo sokutshintshwa kwegama okucetywayo, nika igama langaphambili kunye nesizathu sokutshintsha
Iinkcukacha zomenzi sicelo iGama
IDilesi:
INombolo yomnxeba.:
Isikhundla somenzi sicelo
Ugunyaziso olusemthethweni lomntu ongayedwa okanye omnye umenzi sicelo, umzekelo ugunyaziwe wesizwe, omele isebe likarhulumente, i-Transnet, urhulumente wephondo, ugunyaziwe wengingqi, inkampani yabucala, iqela elinomdla, okanye enye (cacisa)
Umhla
Iinkcukacha zomntu kunye/okanye zomthelelani osebenze njengomazisi kwaye onike ulwazi oluphathelene negama a iGama b iDilesi:
INombolo yomnxeba.: 337-8151
